بقلمي لطفي علي حسن
كنت قاعد جنب بيتنا وسمعت الهتاف
ايه ياساده قالو لحظة حسم وصوتك امانه
قلت عادي هروح معاكم يمكن ييجي يوم تتشال عننا الاهانه
سالت مين احسن قالو فلان
طيب تعرفوه قالو اسمع الكلام
جايب لبلدك دقيق وسكر وهتخسر ايه يمكن علي ايده يتعدل كل شي
مسكت قلمي واختارته وانا معرفش عنه شي
ويوم طلوع النتيجة قالو متساويين ياساده
طلبو اعاده طيب نرشح مين قالو مفيش غير فلان
وازاي ياجماعه يتغير الكلام
لقيت فايدي فلوس وقالو اختارو وسييك من الكلام
بصراحه اغرتني الفلوس وقلت عادي هو او غيرة هيحصل ايه
فداهيه صوتي المهم اكسب جنيه
وتلف علينا الايام اننا نشوف نتيجة من العضو فلان مفيش
وكان وقت الانتخاب بيقول احلي كلام
هوفر ليكم كل شي
من مصانع راح تتبني
وملعب للعيال
وهبني مستشفي لاجل ما تتعالجو بالمجان
ويذيد هتافنا وقت مايقول باحترام
انا منكم وليكم ومستحيل يوم ابيعكم بالرخيص
ويكمل كلامة واحنا قعدين نستمع
وبعد مايمسك المنصب ادي وش الضيف
اختفي وملوش وجود ويوم مايروح المجلس كل شوية يرفع ايده بالموافقه
وازاي هيرفض قوانين بصغراتها تديلو حق يسرق مننا كل شي
ومن بعدها حلفت ماانتخب
ما فداهيه صوتي لو يروح لنائب علي ايدية نتنهب
