كتبت هبه علام
سياده الوزيرممكن نفهم:-
1-ما معنى جمله كخطوة أولى فى التقييم على 3 سنوات كخطوة أولى؟
2-بالنسبه لتغيير صياغة السؤال من قياس الحفظ الى قياس الفهم مع كم المناهج التى صرحت بها سيادتك انها لن تتغير وقصر مده التيرم الدراسى الطالب مش بيكون عنده وقت للفهم اصلا.
3-مخاوف اولياء الامور هاتفضل موجوده لان كل ما طرح بخصوص هذا النظام ما زالت مجرد نقاط مع عدم توضيح كيفيه تطبيقه فعليا.
4-الطلاب لا يعرفون طريقه الامتحان الالكترونى ولا نظام الامتحان الopen book حتى يكون الاعتماد عليهم فى مرحله مصيريه فى حياه الطالب.
5-نتيجه نسبه نجاح اعدادية هذا العام منخفضه جدا جدا وذلك يدل على عدم وجود تعليم اصلا.
6-هل فعلا هؤلاء الطلاب مع انخفاض نسبه نجاحهم قادرون على مواكبه هذا النظام الجديد او المعدل؟
اولياء الامور هاتفضل مرعوبه لحد ما تفهم النظام كامل مش مجرد كام نقطه بتطرح وخلاص.
ده مستقبل ولادنا ومن حقنا نفهم النظام كويس جدا وده ابسط حق من حقوقنا.
نفسى المسؤلين فى الوزارة يتجردوا من مناصبهم ويحطوا نفسهم فى وضع ولى الامر الى مش عارف مستقبل ولاده هايكون ازاى عشان يقدروا يحسوا بينا وبقلقنا.
