بقلم هشام عرفه -سامح الضعنه
نداء لكل من قام بتحويل امواله وشراء عقارات خارج مصر
بلدك اولي واثبت وطنيتك ودعمك للقياده السياسيه بالأفعال لا شعارات .أوقفوا السفر للخارج انتم واولادكم للفسح وساهموا بها لترويج السياحة فى مصر لدعم الاقتصاد ساهموا باموالكم لدعم مصر .اوقفوا مظاهر الفشخره في افراحكم واحتفلاتكم و بطلو تغير العربيات علي احدث موديل وشراء سيارات فاخره بطلو احتجاز العقارات وتسقيعها والمتاجره فيها لا تتعدوا على اراضي الدوله ورجعوها علموا اولادكم حب الوطن مش عوجه اللسان بطلو تسافروا أولادكم واحفادكم يولدو في كندا وامريكا عشان جنسيه تانيه بطلو فشخره الساعات والمجوهرات وادعموا بلادكم صيفو وشتو في الاماكن السياحيه في بلادكم وادعموا سياحه بلدكم ادفعو ضرايبكم ومخلفاتكم وادفعوا للدوله حقها بلاش جشع للتجار منكم . قطعوا كل من يتاجر بقوت الشعب قاطعوا شراء اللحوم والاسماك والدواجن لمساعده محدودي الدخل في تخفيض الاسعار .
اثبتو فعلا جديتكم ووقفكم مع قياده بلدكم في عدم خروج عمله صعبه للخارج وابدءوا بأنفسكم بدون طلب من رئيس الدوله بفتح حساب لسداد ديون مصر في الخارج .وفعلا شاركوا في تحيا مصر .عشان الناس زهقت من شعارتكم الفاضيه وترديد كلام انتو مابتعملوش منه حاجه.
والطلبات الي بقولها دي لمده ٥ سنين بس لحين تحسن الاقتصاد وشوف مصر حتبقى ايه .
بس فعلا كل واحد يورينا شطارته ويبداء بنفسه .مش بس يغني علي الوطنيه وحبه لمصر ودعمه للسياسه علي الفيس بوك فقط وقبل ما تهاجموا الطبقه التعبانه ابدأو بانفسكم مش كده ولا ايه
وبلاش سياسه التخوين بتاعه ايام عبد الناصر لان كلكم عارفين والي حواليكم عارفين انتو بتعملوا ايه .
الشكوي من الغلاء متدخلوش فيها الكلام الرنان مثل التخوين وكان زمنكم ليبيا وسوريا والعراق وانتو عايزين ايه .لان ربنا اعلم بنفوس الناس مش بشعارتها.
