تنوير الأذهان بفصيح البيان والحقيقة والبرهان السكر أخطر من السرطان

كتب / الدكتور جمال شعبان

مرض السكر هو وباء القرن الواحد والعشرين
وباء خارج السيطرة والسكر اذا لم نحترمه ونتكيف معه يسري في القلب والأوعية الدموية والمخ والكلي وقاع العين سريان النار في الهشيم يتلف البطانة الحريرية endothelial ويتسبب قي الجلطات والتهاب الاعصاب

السكر من النوع الأول

نجحت الأبحاث بالوصول إلى عدة حلول جيدة جداً من الناحية التكنولوجية
السنة اللي فاتت كنا بنتكلم على بنكرياس صناعي واحد
السنة دي و السنة الجاية في أكتر من بنكرياس صناعي كمان
و البنكرياس الصناعي بإيجاز شديد هو عبارة عن جهاز بيقيس السكر بصورة منتظمة طوال ال 24 ساعة بدون أنقطاع و بيبعت القراءات إلى مضخة الأنسولين
المضخة فيها برنامج بيضخ الأنسولين أوتوماتيك بناء على نسبة السكر إذا انخفض السكر بيقلل و اذا ارتفع السكر بيزود بدون تدخل من المريض
البداية كانت بهرمون واحد الأنسولين اللي هو أساسي
و جاي في المستقبل مضخة بهرمونين لأن في هرمون تاني بيرفع السكر لو انخفض السكر أسمه جلوكاجون
و في المستقبل مضخة ب 3 هرمونات أميلين و جلوكاجون و الأنسولين
هتبقي بنكرياس صناعي متكامل
و البنكرياس الصناعي هيبقي فيه مضخة جديدة تقدر تستوعب 200-300 برنامج جاهزين ممكن يتحطوا في المضخة مع قراءات السكر و يحسن الأرقام
السنة اللي فاتت تم تركيب حوالي 450 بنكرياس صناعي لحد الأن
و ان شاء الله لما البنكرياس الصناعي الجديد ييجي مصر
مصر هتكون من أوائل الدول اللي ممكن يكون فيها البنكرياس الصناعي و ممكن ندور على وسيلة انه هو يكون مدعوم بالنسبة للتكلفة
و الله مفيش حاجة صعبة ممكن تصنيعه في مصر

دلوقتي هنتكلم عن السكر من النوع التاني :-

النوع التاني فيه 3 أبحاث مهمين جداً و أنا اعتقد أنهم هيغيروا كتير من مفهومنا للسكر من النوع التاني

أول حاجة أحنا كنا بنتكلم ان لو تم خفض الوزن بنسبة 7% أحنا ممكن حساسية الجسم للأنسولين تزيد بنسبة 57%
و ده ممكن يعالج السكر علاجا تاما بالذات في السنين الأولي .
أزاي بقي يا دكتور الناس تحافظ على وزنها 10 سنين ؟
بنسبة 25-27% من الوزن اللي بتنزله بيكون من العضلات
النتيجة أن لما بتنخفض حجم العضلات كمية الطاقة اللي الجسم بيبذلها من هذه العضلات أقل .
الوسيلة السليمة لخفض الوزن هي انك تحاول قدر الإمكان تحافظ على عضلات الجسم لأن الأنسان العادي بعد سن الأربعين بيفقد حوالي 350 جرام من عضلاته

​طيب ازاي يحافظ عليها يا دكتور ؟
حاجتين :-
1- هيحتاج كمية بروتين أعلي و تكون نسب ثابتة من البروتين
و يعمل نسب ثابتة من رياضة بناء العضلات بالذات الفقد بيكون في عضلات الفخد الأمامية و عضلات الكتف و نسبة البروتين بتكون 1جرام ل 1.5 جرام لكل كيلو من وزنه و بندي تمارين قدرنا بعدها نقلل فقد العضلات من 27% لحوالي 8-9% .

الفول نعمة من عند ربنا و فيه نسبة بروتين نباتي عالية جداً و فيه نسبة ألياف عالية جداً و فيه نقطة مهمة جداً مجرد ما بتاكل بروتين
البروتين بينشط هرمونات الجهاز الهضمي و بينشط الأنسولين و بينشط 3 هرمونات شبع
هرمون اسمه جي إل بي 1
و احنا بنستخدمه دلوقتي في علاج السكر
هرمون تاني و اسمه بي واي واي و ده هرمون مهم جداً لقفل الشهية
و هرمون تالت اسمه اميلين .

طريقة المحافظة على الوزن ل 10 سنين هي في النظامين الغذائي و الرياضي

و الحقيقة أن اكل كمية كبيرة من النشويات مع الدهون ده بيزود الوزن
و لازم تقلل النشويات عن قدرتك على الحرق
المعدل الطبيعي للنشويات لا تزيد عن 40-45% و ده بأرشادات من جامعة هارفارد .

علامات مرض السكر :-
بالنسبة للنوع الأول بتكون الأعراض حادة لأن بيكون في تدمير في خلايا البنكرياس و بيلاقوا الطفل بيشرب ماية بنسبة عالية بيتبول بأستمرار و جعان بأستمرار بيفقد الوزن و بعدين التركيز يبدء يقل .
انما النوع التاني خفي :-
و دة مشكلة لأن أعراضه مش كتير و مش بتتلاحظ يعني مثلاً
هيلاقي نفسه بيتبول أكتر و في زغللة في العين حاسس بأرهاق شوية
انما مش هيبقي واضح .
نصيحتي لكل واحد عنده تاريخ للسكر في الأسرة سواء أم أو أب أو أخ أو أخت أو ابن او ابنة
انه لازم يبقي في فحص دوري بشكل سنوي
و تحليلات السكر الصايم فوق ال 126 يشخص كسكر تحت 100 مفيش سكر ما بين 100-125 يبقي عنده أستعداد للسكر .
و التراكمي اذا هو 6.5 فيما فوق يبقي في سكر
5.7 فيما تحت يبقي مفيش سكر

ما بين 5.7-6.4 يبقي استعداد يبقي في سكر
​ولو عندك استعداد للسكر لازم تنزل في الوزن لو وزنك زايد علشان تتفادي حدوث السكر لأن 90% من مرضي السكر وزنهم زايد منهم
30% اللي هم وزنهم زاد overweight و 60% اللي عندهم سمنة obese
متلازمة (A to I )
‏A Hb A1c
التراكمي و النسبة التراكمية لازم تنزل عن 7% و بيتعمل القياس كل 3-4 شهور لأن نزول التراكمي تحت 7% بيقلل نسبة حدوث تضاعفات السكر بنسبة تصل ل 76% .

‏ Blood pressure
‏Bضغط الدم لازم تحافظ على ضغط الدم تحت 140/80 و لازم يتقاس بأنتظام و يحافظ عليه .

‏C الكولسترول cholesterol:- الكولسترول الضار LDL و ده لازم نسبته تبقي تحت ال 100 و لو قدر ينزله تحت ال 70 يبقي عظيم و لو عنده حاجة من أمراض القلب من قبل كدا يبقي لازم فعلاً ينزل عن ال 70 و الكولسترول المفيد HDL المفروض يزيد عن ال 40 في الرجال و يزيد عن ال 50 في السيدات و أسهل وصفة تزود الكولسترول المفيد هو زيت الزيتون و الرياضة و تقليل النشويات .

‏D dietالدايت :- السكر و كل ما دخل فيه السكر سواء العصائر و المشروبات الغازية و الحلويات .
و منتجات دقيق القمح و المنتجات اللي فيها نشا عالية زي البطاطس و الرز و الذرة .
الأكل المسموح بأكله الخضروات بجميع أشكالها و ألوانها مطبوخة و غير مطبوخة مفيهاش مشكلة ” بقدونس و جرجير و خيار و كوسة و فاصوليا و بسلة زي ما تقول ”
الفواكة بس بكميات معقولة .
البقوليات .
المكسرات .
البروتينات :- السمك رقم واحد و بعدين الدجاج و الطيور بجميع اشكالها و الأرانب و اللحم الأحمر مفيهوش مشكلة
و المشكلة في البروتينات بتكون في اسواء انوع اللحوم اللي هي اللحوم المخلقة زي اللانشون و الهوت دوح و السلامي .
منتجات الألبان زي الجبن و الزبادي عالية الدسم و خالية الدسم كلها مفيدة لمرضي السكر
‏E Exercise هي الرياضة 10 دقائق متقطع على مدار اليوم كل 3-4 ساعات 10 دقائق رياضة بأجمالي 210 دقيقة في الأسبوع .
‏F Fundusالمتابعة يفحص عينة بشكل سنوي و لو اكتشف مضاعفات السكر على العين بيتعالج و اذا اكتشف متأخر بيفقد البصر .
تاني حاجة متابعة القدم .
و لازم يقيس حاجة مهمة الزلال الدقيق في البول و لازم يتفحص كل سنة .
و يقيس الكولسترول كل 6 شهور .
‏G glucometer السكر لازم المريض يحلل بيه مرتين في اليوم مرة الصبح و مرة تانية قبل أي وجبة اذا حلل قبل اي وجبة لازم يكون تحت 130 و اذا حلل بعد الأكل بساعتين ل 3 ساعات لازم يكون تحت 180 و لو الأرقام دي اتحققت يبقي السكر ماشي مظبوط و لو متحققتش لازم يكلم الدكتور .
‏