البالطوا الابيض ابعتوله من قلوبنا ميت سلام
البالطو الابيض حامي روحنا بالعمل مَش بالكلام
هتلاقيه جوا الرعاية
وفي العناية
وفي العنابر
هتلاقيه سهران يداوي أو يحلل في المعامل
هتلاقيه في غرفة جراحة
ليل نهار ميقولش راحة
واحنا لو نامت عيونا هو عينه ما تنام
البالطو الابيض ابعتوله من قلوبنا ميت سلام
***
بالطوا ابيض يعني طب ويعني حب ويعني خير
الطبيب ويا الطبيبة هِمّة القلب الكبير
وفليالي الحظر إحنا آمنين جوا البيوت
والأطبا برا بيتها جوا حجر ووسط موت
همهم روح البشر
حلفوا يتحدوا الخطر
دول أمانّا من الوباء ومن المرض ومن الألام
البالطو الابيض ابعتوله من قلوبنا ميت سلام
***
جنبهم تمريض مثابر قلبه صابر عالظروف
صامدين ويا الأطبا لا قلق ولا أي خوف
نظرة الرحمة فعنيهم
لمسة الحب في أيديهم
هما رمز العزم كله والنظام والالتزام
والبالطو الابيض ابعتوله من قلوبنا ميت سلام
