والعاشقين عيال ملا طيش
ولما صاحبي في مرة حب
جلتلوا صحبتك متلزمنيش
طريجي واحد وعارفة
عن الحب متسألنيش
بحر الغرام أخوضوا ليه
لما شواطئه متعرفنيش
موجك يا بحر غرق كتير
نصحتهم ومسمعونيش
مرت سنين وأنا في حالي
قلبي حجر مبيرتويش
عيون الحب ناشفين في قلبي
انهاروا علجم طعمها مبيرونيش
كل اللي حبوا جالوا أهه
كل اللي غنوا مغنوليش
غنوا وقالوا نار وعذاب غنوا
للجراح والأسى ناس طرابيش
جاني الغرام ودج بابي
وقلي قرب ومتستحيش
جلتوا يا هوا بتحداك
لو يوم لمست بابك مترحمنيش
أصلي أسد جلبي حديد
أو حجر مبيتلويش
فضل يقلي نظرة عينيه
لمست أديه صرخت فيه متكلمنيش
خاف الغرام وأنزوى
ودمعت عينيه متهزنيش
وأنا جلبي طيب عايز يعيش
جلبي الحديد بدأ يلين
بدأ يطير طلعله ريش
رفرف وطار زاح الستار
وجلي حب ياعم عيش
جلت يا جلبي في الحب متغرنيش
الفضيلة جمال وأدب وزوجة مبتنسانيش
جلبي الحديد عشق القمر
والحب حلو مطلعشي طيش
عبد الحليم لما صرخ الحب نار
نسي يقول مبتنطفيش
