كتب / وائل الشويخ
على بعد امتار من كوبرى اخميم وتحت سور مبنى ديوان عام محافظة سوهاج يجلس محمد طفل لا يتعدى الست سنوات يبيع مناديل دون ان يسال احد او يتسول لاحد
اقتربت منة وبمنتهى البراءة كانت اجابتة على سوالى له اسمك اية يا عسل قالى فى هدوء اسمى محمد وانت
فاجابتة وائل وسالتة انت قاعد هنا لية قالى بشتغل ابيع مناديل انا ابوى متوفى وعايش مع امى هنا واحنا اصلا من الفيوم وبقعد هنا كل يوم من العصر لليل ابيع مناديل سكت انا ومكنتش عارف ارد الولد برغم ظروفة الصعبة بس ابتسامتة تكسر اى حد وحبة للشغل يخليك تحس نفسك صغير اوى ادام تحملة المسؤلية
عرضت علية اساعدة قالى لا انا ببيع واشتغل والحمد الله قلتلة اتصور معاك قالى ماشى واتصورت معاة ومشيت وانا حاسس انى مفيش حد بجد مسؤل فى البلد دى مفيش حكومة مفيش حقوق اطفال
مفيش اى حاجة مفيش الا الكبار اللى ناهبين البلد
سوال ازاى كل يوم المحافظ بيعدى والمسؤلين من غير ميشوفة ولا يساعدة
ازاى بلدنا مفهاش حياة كريمة للاطفال ومراعاة حقوقهم
فين المسؤلين الولد قاعد من غير ميسال حد ولا يمد ايدة ازاى مش نساعدة ؟
