شعر/ ماهر أبوالمعاطى
……….
ومات شوشة
وباقى بضاعة مغشوشة
وميتم جوه فى الكوشة
عريس الحرف ودعنا
وصار للكلمة ميت معنى
ولا معنى بيجمعنا
مافيش غير دمعتين للشعر
واحنا غرقنا فى دموعنا
يارايح للمكان أحلى
يارايح فكرة للأعلى
خلاص النظم مترمل
وكل بحوره توجعنا
سلام الله على رفاتك
هتحيا فينا بمماتك
وتصبح ف التاريخ ذكرى
تصالح أمس مع بكرة
ويفضل حرفك العامر
ينور دورنا فى السامر
هتيجى الدور على حروفنا
وبرضه نسيبها ونسافر
………………………..
