كنت باحلم

كنت باحلم
شعر/صابرقدح
كنت باحلم ببطن زى الحديد
وقلب صابح زي الحليب
وعش بين الشجر
ف حضن الحبيب
كنت باحلم ان الضحكة
تملى وشوشنا
وكل الخلايق تشوفنا
واحنا بنرفع اسمِك للسما
لاكن… هُوا العمى
مالى القلوب
وناس بتاخد حظها
بالغلق والفاس
و راس
بترسم للأمل مستقبل
وتشطب حظها وتحتاس
قادر يغير الإحساس
ويشيل من الباب
مليون ترباس
بحْلم بشوية عدالة
لقمة عيش وكوباية
وبال ينام خالى
وارجع
أحب عمى وخالى
واعيش الأمان
زيه زي أى كيان
نسمة هوا من بتاع.. زمان
وكفوف أراضيناترمينا بالضى
وتطبطب على صدرنا علشان
نعيش اللى راح واللى جاي
نرسم تاريخ وجغرافيا
وتنام الصدور دافية
برعاية الرحمان
برعاية الرحمان

كنت باحلم
صابرقدح