الأستاذة سارة يعقوبي
متابعة:لسعد الحر زي مدير مكتب تونس
الله يرحم رئيس الجمهورية الباجي قائد السبسي الله يرحم بجبوج يمكن من اكثر الرؤساء الي التوانسة حبوه وفما توانسة محبوهش سواء التوانسة الي اتفقوا معاه سواء التوانسة الي اختلفوا معاه, مفماش من عهد المنصف باي كيما الباجي رءييس دولة استقربوه و حبوه التوانسة. الباجي 50 سنة من العطاء عمره هو عمر السياسة في تونس. عاصر تقريبا كل الأجيال وكل المراحل التي ساهمت في ارساء الدولة بإيجابياتها الكثيرة وسلبياتها القليلة. يعني الرئيس الذي يستحق دخول التاريخ والتدريس في المدارس على الصعيد العالمي , يعني مفماش سياسي في العالم تقلد المسؤوليات التي تقلدها الباجي قائد السبسي بدءاً بالدبلوماسية، الخارجية، الداخلية، البرلمان، رءاسة الدولة، رءاسة الحكومة، المعارضة، الصحافة، ومات رئيس جمهورية. يعني مشوار يخلي الباجي ليس فقيد التوانسة فقط وإنما فقيد مرحلة كاملة مر بيها العالم , اليوم تونس تفقد رجل دولة، رجل مهم, لقته وقت الي استحقته من 2011 ، أتحمل فيها مسؤوليته أمام الله اما تونس وامام الشعب، رغم تقدم سنه ابى الا ان يقدم ويضحي من اجل تونس، وظل يضحي ويتحمل مسؤوليات الى أيام قليلة قبل موته. رجل ترك بصمته في تاريخ تونس , اليوم هو مجال باش ثمنوا هالرجل العظيم، وكذالك نقولوا الي تونس كيف ما عطاتنا الباجي قائد السبسي قادرة باش تعطينا رئيس اخر خايف على الوطن ومستعد لحمايته، لان منظومة الديموقراطية بدأت مع الباجي ولازم تتواصل بعد الباجي حبا في الباجي والأهم منه حبا لتونس، لهذا ادعوا ابناء وبنات وطني تونس الحبيبة قفوا يدا واحداً وعقلا راجحا خدمة لهذا الوطن. لان تونس ولادة, تونس جابت الباجي والمنصف باي وابن خلدون والشابي وبورقيبة وفرحات حشاد وشكري بلعيد, وغيرهم. قادرة باش تعطينا رجال سياسة قادرين على صنع الحدث ومواصلة المشوار . المهم حسن الاختيار فالقرار بايدينا يا ابناء وبنات الخضراء رجاءاً لا مجال للرجوع للوراء تعيش تونس ديموقراطية حرة مستقلة تعيش تونس دولة موءسسات
سارة اليعقوبي .
