لما جيت أحب الدنيا
الدنيا كرهتني
لما قولت أحب حبيبتي
حبيبتي سابتني.
قولت احب الأمل أعيش
عشانه وأعيش عليه
لحد م مات الأمل
وموتني.
حبيت احب الدنيا
الدنيا كرهتني.
عايش ايوة انا عايش
بس بدون ما أعيش!
يوم عايش معايا والف
يوم ممعيش.
عايش بحاول أخلق
أي حاجة من أي حاجة
بحاول أخلق كلمة
في. من كلمة. مافيش!
شد وجذب حب صادق
وحب كذب
قانون بيضيع وفوضى
خلاقة. ومليون حزب.
انا زي كتير م الناس
حلمي أعيش مرتاح الضمير
وصافي القلب.
حلمي رزقي يكون ليا
مش يسرقوه شلة
حرامية
وابن كلب.
لما جيت أحب الدنيا
لقيت الدنيا مش عايزاني
بتحقق حلمي بتحقيق
حلم لواحد تاني.
مع اني مش رافض حاجة بلاقي
كل حاجة رفضاني.
خلاص عهد عليا قدام
الناس قدام الدنيا.
معودتش أحاول أحب
الدنيا من تاني.
(مجرد قصيدة وليست عقيدة) .
