دكتور جمال شعبان
متابعه أماني عمار
الحياة قصيرة والعمر لحظة
والإنسان في مهب أخطار كثيرة وضعيفة لدرجة إن كائن ميكروسكوبي بسيط زي كورونا كفيل بالقضاء عليه وإنهاء وجوده في الدنيا
الناس في الغالب عندهم أنانية ومعظمهم لا يتمنون لك الخير وقد يفرحون لهزيمتك
ما تعملش حاجة علشان ترضي حد ليكن رضا ربنا هو الأساس
الضربة بتيجي من أقرب الناس إليك
والضربة التي لا تميتك تقويك
كل يغني علي ليلاه وكل واحد بيدور علي مصلحته
ما تتعشمش في حد كتير
ما تثقش بنسبة ١٠٠٪ في حد من الناس
ثق بس في رب الناس
نسبة الكذب والنفاق والزيف والخداع أكثر مما تتخيل
دايماً يكون عندك هدف أكبر والحياة معركة
مفتوحة وخسارة جولة مش خسارة المعركة
الطبطبة علي الغلبان اجمل إنجازاتك زود رصيدك منها
ما تزعلش علي حاجة فاتتك لأن الدنيا بكل حاجاتها منفاتة
