شيماء شلبي
وجه الرائد احمد عادل الهرميل رسالة عبر صفحته علي الفيس بوك مناشدا اى مواطن له طلب مشروع او خدمة ان يتصل به ع الفور بل ان حدث واتصل ولم يجد ردا اثناء الاتصال ان يحاول الاتصال مرة واثنين فمن المرجح ان يكون سيادته مشغولا بمهام عمله وقال الهرميل عبر صفحت علي الفيس بوك ” أى حد عايز أى خدمة، يتصل وقلبه جامد من غير إحراج أو كسوف أو إستئذان، ويتصل مره وإتنين وعشره علشان ممكن أكون مشغول أو مش عارف أرد أو نسيت، (وبلاش شغل أصل أنا كلمتك وإنت مردتش أو إتكسفت أكلمك لا تقول إنى بكلمك علشان مصلحة والكلام الأهبل ده)، إتصل بعشم وإعرف إنك بتكلم أخوك وكلنا بنكمل بعض، وحتى لو هتكلمنى مره واحده فى حياتك ومتعرفنيش كويس، دى حاجه مبتزعلنيش خالص بالعكس أنا بكون مبسوط جدا وشرف ليا إن ربنا جعلنى سبب علشان أساعدك والله، …. وصدقنى اللى هقدر أعمله هعمله ومش هتأخر أبدا سواء ليك أو لأى حد من أسرتك أو أصحابك فى أى مكان فى الجمهورية، مادام بتطلب حاجه مشروعة، والحمد لله حبايبنا ورجالتنا المحترمين فى كل مكان، ولو تعرف أى حد محتاج مساعدة قوللى، ولو عايز تعمل أى حاجه فيها خير ومساعدة لغيرك قولي، .. يشرفنى أنا وأصحابى إننا نكون خدامين لأى حد فى الحاجات دى، …. والكلام ده من القلب ومش تمثيل ولا منظره ومش عايزين شكر ولا مقابل من حد، نسأل الله الإخلاص، (والله فى عون العبد ما كان العبد في عون اخيه ) “
