بقلم الشاعرالبدرى ابراهيم

 ابن الأكابر عمره مايقول الأه

بفلوسه عابر علشان كل شى معاه

سعيد بالدنيا لان ربنا أعطاه

لو كان قليل الأصل يكفينا شره وبلواه

أذا غلط غلطه ماتكون ورطه ياولداه

مافيه حد ياخد اللى هيتمناه

الغلبان منحوس والناس ماسمعاه

ماتشوف حد يسأل عليه ولا يلقاه

الواحد يحمد ربه مادام الصحه معاه

الباشا عنده هشاشه أنا نفسى ما فكراه

ربنا كريم وحليم والكل ربك يتولاه

الفقير حامد ربه لأن الطيبه جواه

ماهو ربنا الكل اللى سواه

الكبير لو داس ع الناس ماهتكون مسمحاه

مافيه حد عارف عمره كم مداه

الندل الدنيا ضحكت له وماشى ع هواه