سألتوا نفسكوا اتخانتوا قبل كده ولا لا ؟!

بقلم / سهيلة ياسر
سألتوا نفسكوا اتخانتوا قبل كده ولا لا؟؟
عارفين ايه الخيانه…. الخيانه من الأمور الصعبه اللي بنشوفها ف حياتنا مش شرط الخيانه الزوجيه ممكن خيانه الأهل والصاحب والحبيب.
الخيانه يعني العهد اللي بيني وبين شخص ينقطع وتبقي من الاشياء الصعب ننساها لأنها بتأثر فينا وبتسيب أثر كبير في حياتنا بتخلينا مش عارفين نثق ف حد تااني هي ممكن تتغفر بس صعب تتنسي وبنبقي بنموت من جوانا واحنا بنتعامل مع الشخص دا..وطبعا في ناس كتير بتشوف أن الخيانه شئ عادي عشان يكسروا الملل ويشبعوا غريزتهم واكتر نوع منتشر ف مجتمعنا هي الخيانه بين الراجل والست خصوصاً بعد التطور الهائل في التكنولوجيا والحقوق اللي خدتها الست وبقيت دماغها بدماغ الراجل.
عارفين الخيانه بتتولد مع قله الاهتمام أن خلاص مش لاقي نفسي مع الشخص دا ف بدور علي بديل عشان يعوضني دا.
الخيانه بتبقي فكرك أن الشخص دا هيبقي معاك ولا لا… بيحبك ولا لا…هيكسرك ويدوس عليك ولا لا….بيخاف عليك بجد ولا لا.
خيانه المشاعر وهي انك مبقتش زي الاول..احساس ان الشخص دا متغير معاك ومتجاهلك وبيتعامل ببرود ساعتها بيتزرع فيك أسئلة صعبه كتير.
الخيانه بتبقي طرف بيتألم وطرف تاني بيفكر بكل انانيه…
خيانه الأهل وهي أن اهلك يحسسوك قد ايه انك فاشل وملكش طموح ويحبطوا فيك ساعتها بتتهز ثقتك ف نفسك وبتحس انك وحيد وبتلجأ لأي حد يعوضك دا ساعتها مش بتفكر دا صح ولا غلط لانك بتعوض اهلك بس بتلاقي نفسك كسرتهم وخنت ثقتهم للابد.
خيانه المهنه وهي تكون خنت عهد وقسم المهنه دي…الخيانه قرار ملهاش مبرر بتبقي طبع واللي بيتعود عليه بيعمله ألف مره.
الخيانه بتبقي عدم احترام.. عدم غيره..عدم احترام الذات..والكدب.
هي ابشع حاجه ف الدنيا وابشع حاجه بيتعرض ليها اي حد..
الخيانه ممكن تدفع الشخص للانتقام وبتبقي عباره عن تجربه خاضها وفشلت ف يحاول يعوض ف ناس تانيه ويموت ضميره أن ممكن يظلم شخص تاني وساعتها ميعرفش دا صح ولا غلط..
أعتقد أن الي قال تمن الخيانه الموت كان عنده حق….لأن صعب انك تتدي كل حاجه لشخص وتكتشف أنه مع حد تاني او بيخونك ساعتها بتحس بالضعف قدام اي حاجه واي حد..
مش كل حاجه ممكن نعوضها بالخيانه ممكن تبقي الصراحه احسن مليون مره.
وكما قال أبو بكر الصديق رضي الله عنه:((أكذب الكذب الخيانه)).