الحلم.. بقلم.د/مايسه عبدالحي شعيب

ساعات كدة تحلم بحاجة
ويبقى نفسك تحققها اوى
وتبقى هى بالنسبالك مجرد فكرة
وممكن تقول لنفسك
بس هو انا اقدر احققها
وبعدين تقرب منها وتحاول تنفذها
وبعدين من كتر جمالها تخاف تحلم بيها اوى
تخاف تعيش فيها اوى احسن يجيى يوم تتصدم
وتحس انك كنت بتحلم بس وان الحكاية كلها مجرد حلم
وتبعد عنها وعمرك ماتنساها ….وفجأه
تلاقيها بتكبر فى دماغك وتحس انها هى حياتك وان تحقيقها ممكن اوى
وتلاقيها فعلا اتحققت ويمكن كمان اكتر ماكنت بتحلم واحلى ما كنت بتتمنى وتحس ان كل شىء فى الدنيا بيساعدك على تحقيقها
وتقول لنفسك امال انا كنت بقول لنفسى كدة ليه
اوعى تتخلى عن حلمك مهما كان لأن كل
حلم ليه وقت هيتحقق فيه فقط استعين بالله
واجتهد قد ما تقـــــــــدر من مجهــــود
وتأكد ان بأذن الله حلمك هيبقى
حقــــــــيقـــــــــــــــــــــة