رامي البكري
في كلمات رقراقة حدثنا بها فضيلة الشيخ أحمد الهمشري
كلنا وإحنا صغيرين سمعنا وحفظنا ( ويل للمطففين ) وشرحوها لينا على أنها البائع اللي بيغش في الميزان ويعطى للناس أقل من حقهم هو دا بس معنى المطففين !
تعالوا كدا نعرف يعنى إيه مطفف ؟
التطفيف سُمّي تطفيفا لأنه يكون في الشيء الطفيف الذي لا يهتم به الناس لقلته وخفائه يعني مثلا ينقص البائع خمسين جراما فقط من كيلوا جرام هو شئ بسيط وقليل بس ربنا توعده بسورة خاصة في القرآن !
من هم المطففين ؟
( الذين إذا اكتالوا على الناس يستوفون وإذا كالوهم أو وزنوهم يخسرون )
يعني لما بيعزموا على أخذ حقهم من الناس بيأخذوه كلــــــــــه كاملا وأول ما يحصل العكس ينقصوا حق غيرهم !
الآية مش بس على البائعين زي ما إحنا فاهمين !
المطففين زوج يريد من زوجته أن تعطيه حقه كاملا ولا يتهاون ولا يتغاضى وفي نفس الوقت يظلمها وينقصها حقها
المطففين مدرس آخر كل شهر بيقبض مرتبه كاملا وفي نفس الوقت يهمل ولا يراعي ضميره في الشرح ولا الحضور والتأخير !
المطففين واحد عايز كل اقربائه يهتموا بيه ويسألوا عليه وهو بيقطع رحمه معاهم !
المطفيين كل واحد لا يراعي ربنا في أي مكان مسئول فيه عن حاجة يعملها وبياخد حقه كامل من الجميع !
هذه الأية لزاما علينا التدبر فيها وكل واحد فينا يفكر هل هو مراعي ضميره في شغله في حياته في علاقاته الاجتماعية في علاقات مادية ولا لأ …
لو انت دكتور حط نفسك مكان المريض وشوف حقك عليه يهتم بيك ازاي .. لو مدرس حط نفسك مكان أهل التلميذ وشوف كانو هيحتاجو ايه منك تديه لابنهم ….
إتقوا الله في أنفسكم يرحمكم ربكم
