شعر – نشأت النادي
هاجرك ياروحي وأنا في حضنك
مش مستطعم أبدا زادك
عمري ما كنت يوم ضدك
ولا يوم قدرت على بعادك
يا بلدي دانتي حضارة وخير
شاقق قلبك نهر النيل
ليه سلمتي للطراطير
يلبس تاجك كل عويل
ليه يابلادي تفتحي أحضانك
لكل العملا من الأشرار
مش جربتي اللي في يوم خانك
وطردتي اللي خلاكي عمار
انا مش راح اقول ارجعي لولادك
لاحسن جوزك يضرب نار
طول عمرك نايمه ياغالية
للي يجيب لولادك عار
احنا ولادك برضو يا غالية
مهما كدبوا عليك كتير
مش هنسيبك لقمة طرية
احنا شبعنا من التزوير
بس يا حلوة افتكري كويس
مين باع عرضك للخنازير
ومين طول عمره واقف راجل
ضد كل وضيع وحقير
