شاعرة الشرقية /شيريهان سرحان
آلو أهلا نتعرف
وكلام فاضي يقرِّف
مضيع ف وقته
إزاي كده يتصرف
المحظورين بقوا عندي
أكتر من الموجودين
راح فين الناس المحمودين
اللي مهما تلهيهم
رافعين شعار الأخلاق والدين
قليلين المهتمين بالثقافة
وكتير كتير سايقين الظرافة
ومفكرين أن الشعر خرافة
هيخلوني أبطل أنشر ثقافة
واريح دماغي وأطلع ع القرافة
ولو غاويين تعارف
اتعرفوا على دينكم
عمر ما حد يهينكم
أنا مش قصدي ألومكم
خوفي تزيد حمولكم
ع الفيس الناس ملمومة
وبدل ما يستفادوا أو ينشروا معلومة
راحوا مشيوا في سككه المجهولة
فالذنوب بقت ع الكتاف محمولة
