كل النتائج وسط زيف الأمنيات
هى الحقيقة الدامغة
وأمر قابل للحدوث
وجهك عبوس
قلبك يئوس
كل اللى قدمته ف حياتك
حلم مسنود عالفراغ
مستنى ايه
غير النتيجة الحاسمة
لفكرة مش ممكن تُصاغ
بيبان فى شعرى فلسفة
من أفلاطون
ولحد هيبتا
والغزالى
يرسم خيالى
جنة من صُنع البشر
والشعر عامل محكمة
كل القُضاة
حاكمين بحرف الأفئدة
حتى المعانى صامدة
على بحر موزون الهوى
يا من هوى
الثَورةُ تُصنَع من خيالِ قد هوى
كمن روى
عن عشقِ مَجهول الشعور
ده الفكر جزر
فدادين وجع
مزروعة ف براح الضلوع
يصرخ ألم مكتوم بقهر
لو عدى دهر
عين الكرامة رافضة أوراد الدموع
والزيف قانون
بانى الحصون المؤمنة
بفكرة شيطان
أياك فى مرة تستعيذ م الوسوسة
نور الحقيقة اللى انطفت
مدمن حبوب الهلوسة
أنسى ايه نهاية الأِربْ
فى فن تعليم الادب
احنا العرب
كارهين فصول المدرسة
والمعجزة
تكمن فى قدرة نفسنا
فى إننا
ناخد شهيق من غير زفير
تكتم ف صدرك كل مكنون الغضب
أما الأدب
مادة ملغية البنود
من كل ورق المضبطة
يفضل قانون المرمطة
والش؟؟؟؟؟؟؟؟؟
كل الوجع
يطلع فى ضحكة مصهللة
بعد الصلاة
نشرب كاسات العز من دم اللى مات
كل المجون
حفلة فوق عضم الرفات
والعسكرى واقف صنم
مجبور على وضع الثبات
فدادين وجع
مزروعة ف جبين الجدع
أما السقاية
جاية من دم الولاد
كل الأئمة ف البلاد
واقفين على تل الخراب
مستنين موسم حصاد
…………………………
شعر / ماهر أبوالمعاطى
