في رحلة قطر
و مسافر على المجهول ،
حجزت مكان..
و متمرد على حاضر
من البهتان..
محاولة و عايشة جوايا
من الماضي ،
و خوف من بكرة
متمكن بأغراضي..
لكني ناديت أمل مرعوب
من الفجر اللي
جاي بعيد
بنور باهت بيتحايل
على المواعيد
و مرة يقول على بكرة
و بستناه مع الفكرة
و يبعد مرة و يقرب
و يبعت نوره و يغرب
أتاري الحلم جوايا
عليل مكسور
سراب و خطوطه
مرسومة على البللور
و اشوف فيها الملامح
دايرة تتقطع
ركام إنسان..
