صياد ورحت أصطاد رميت شباكي بالميه طلعتي رسالة بحر بتقولي متخفش مني أسمعني
أنتي أنسيه ولا جنيه ؟! أنا رساله بحر منسيه كل الحكايه حبيت وأتغدر بيا لا بيوم أفتكر ولا ندم ولا جه ورما عليه التحيه وفضلت مستنيه لحد ما بقيت رساله لروح منسيه سجينة أحلامها الورديه الحب تضحيه فكنت أنا الضحيه الحب أمان ماعرفتش غير أني أخاف الحب حياه وهو قتلني الحب سعاده ماشفتش غير الحزن منه بزياده نظره في أبتسامه و ميعاد في ميعاد علي الشط نتقابل وتشهد علينا الأمواج الحب عندو كلام بكلام ويبني علي الرمل بيت من الأوهام كله حب عشق هيام وبالأخر غش كدب خداع لا بيوم حب ولا قلبه بيه حس خد من عمري سنين مستنيه قلت حبه يغنيني عن الدنيا يدق بابي غيرو أقول العقل مشغول والقلب مسكون بحب غيرك مجنون نتواعد ونتقابل واحكيلو يقولي لغيري يوم ما تكوني انتي ليا أنتي الهوا والميه أنتي سر الحياه بالنسبالي و حلو الدنيا هتدق بابي امتي لما أخلص الكليه وأخد الشهادة وأتوظف وأقبض الماهيه ويمر العمر سنه وراء سنه وانا مستنيه عايشه جوه أحلامي الورديه من حجه لحجه وحكايه في قصه مر العمر في ثوانى قدام عنيه وكل ما ابعد يقولي خليكي جانبي انا بحاجتك ومحتاجلك بيكي بقوي على الدنيا نجح وكبر وبيوم قلي قبليني محضرلك هديه فرحت وقلت خلاص حنحقق الحلم و بيت الرمل بقي حقيقه وواقع هنعيشه لبعض ومع بعض قدرنا يجمعنا وأتوعدنا وأتقابلنا وقالي خدي جيبلك ديه هديه أفتحيها لما أمشي وراح وسبني فتحت العلبه لقيت ساعه وشوية صور ليه وجواب بيقولي فيه أنا أسفه أحنا مش لبعض لازم أخطب الي أختارها الاهل بنت العم علشان مصلحة العيله ونكبر الشغل مش كل حاجه القلب لازم نفكر بالعقل وشكرآ علي كل الوقت الحلو الي كنا فيه مع بعض حبيت أجبلك هديه علشان دايمآ تفكرك بيا وكأنه هداني ساعة العمر بلفه واحده للعقرب ارجع العمر وأقول بسيطه كان ذكري حلوه لساعتين من العمر بكيت وكأن دموعي سحابة مطر معديه وجسمي كان تلج اتكلمي اصرخي قولي اه حطمي قضبانك الزجاجيه الي منهم شايفه كل الدنيا وعايشه فيها ومش عيشها لساني أتشل وجيب منين كلام يوصف وجع القلب وظلم الأنسان للحب أفترقنا و روحي متعلقه بين السماء والأرض عايشه تايها مش مصدقه ازي هان عليه العمر وخبيت حزني جوايا بأعماق القلب ومن الأعماق الي أعماق البحر مستخبيه جوه زجاجه مرميه مع رسالة بحر دي رسالتي وحكايتي يا صياد .. ارمي شباكك هتلاقي بالأعماق كتير من القصص والحكايات ورسايل بحر عايمه علي وش المايه بتحكيها كل يوم الأمواج ..
