إفضح خلي العالم يعرف
أفعال صهيون واوعي تصهين
جرحه الغائر مش راح ينشف
عَلِي الأه مش راح تحزن
إنزع خوفك لازم تلعن
هو بيزرع وانت بتحصد
وحصاد زرعه رؤوس راح تشهد
إنك كنت بداية المعول
لازم تهدم لازم تقتل
إفضح خلي العالم يعرف
خلوا الأمة مشاهد تقرف
لازم تحلف إنك فالح
أدي الصورة يا عم الصالح
قولي يا ناصح كيف راح تشرح
بس إن حكمت
دم وهدم وفزع وذل
شيخ إتشل
طفل إتعل
أم بتصرخ راح تختل
قول راح تفرح ولا هتحزن
حط الصورة ف قلب النن
أوعي تزن أو تِعْمِل طَن
صورة قبيحة
صورة مشينة
صورة تخلي القلب يئن
صورة تحول فرح لحزن
إفضح خلي العالم يعرف
إنك كنت بداية العو
عاوز تعرف معني العو
إنزل سوريا أو روح ليبيا
إمشي اتجول لازم تلقي
شبح العو
بعد النور قلبت ضلمه
بعد تهاني وعيشة وفرحة
قلبت عركة
راحت روس وسط الغفلة
راحوا ف وكسة
سِكِنْ الميت جنب الحي
أشباح ترعب
موت بلا معني
لازم تغلب
طب روح ملعب
إلعب شيش
يمكن تكسب واحد عيش
أو تكسبلك حتة أرنب
هي حياتنا قلبت غم الإ بلعبك
لازم تلعب !
طب شيل همك
قولي يا سيدي كيف أحوالك ؟!
لسة الدنيا بتفرح ليك
ياه علي ربك
بعد ما كانت ماشية ف حظك
قلبت مسخ وزفت وعك
أوعي تخلي الصورة ظريفة
ياااااه خد تنهيدة
ولا يا سيدي نجري ونسأل أبو عزيزة
أبو عزيزة ضرب الكف
أبو عزيزة راح يتهف
عقله خلاص خف وخف
أبو عزيزة صورة ف ليبيا
وكمان برضو مصر وسوريا
أبو عزيزة مالي الدنيا
أبو عزيزة حلمه كبير
نفسه الأمة تصبح حالمة
نفسه يشفها ف أكبر لمة
نفسه يشوفها زي الوردة
إيه جرا إيه ؟!
هو في إيه ؟!
ليه الغمة
ليه الضلمة
فين العقل وفين الحكمة ؟!
فين الأمة ؟!
خايف أقوم م النوم ألقيها
في خبر كان
