الشاعر : ياسر التونى
حلب م الصرخة ضاع صوتها
لكن ولاحد ْسامعها
مفيش ف الدنيا دى كلمة
هتوصف حجم مواجعها
لان المعنى ببساطة
دليلها بظلمه خادِعها
كمان وبخِّسته وغدره
بأرخص سعر بايعها
دا شكل الطفل ف جروحه
ولو ف جبال يصدّعْها
تكون سنى تكون علوى
جدورك لييييييييه مقلِّعها؟؟؟
وبرضه غصونك الخضرا
بقسوة لييييييييه مقطِّعها؟؟؟؟
وخد بنتى اللى ف اللفة
بدم اخوها رضِّعها
لان الام ف التربة
وبرضه الاب تابِعها
واخت الهتك كاويها
وسلب العرض واجعها
واخ ف جرحه بيلملم
ف امة خلاص مسامعها
بقت حصرية ع الغنوة
وغانية ف ليل ي….عها
انا اللى الدعوة جوايا
لرب العرش رافعها
حرام اطفال مانطقتشى
تشوف ف ميلادها مصارعها
خلاص سامحونى انا رايح
اشوف النخوة اودّعها
