كتبت أماني عمار
في حوار مع المهندس محمد طارق سعيد حسانين عضو مجلس إدارة نادي الترسانة لشاهد المصري
الحقيقة ان من بداية الانتشار ل COVID – 19 – كورونا – و انا في سنين حياتي اول مرة أشوف الحكومة المصرية بتتعامل بمنتهي الرزانة و الهدوء مع أزمة حقيقية بتواجه البلد بحالها … بداية من قرارات الاجازات اللي جت بالتدريج ، وقف الجامعات و المدارس ، تعقييم المطارات و المترو و غيرها من اماكن كتير ، وقف الطيران من و الي مصر ، ظهور وعي ال work from home ، التصريحات المُستمرة عن الوضع ، الاجراءات اللي اتاخدت من قفل القهاوي و الغرامات للمُخالفين و اللي بناءاً عليها تم قفل كافيهات كبيرة و كتيرة..
و المُبهر اكتر في الموضوع و مطمني و اللي اقدر بمنتهي الثقة اقول انه فعلاً من اكتر النقط الايجابية في التعامل مع الأزمة ٣ حاجات :
– لهجة خطاب الحكومة المصرية نفسها مع المصريين ايجابية جداً و بتبين ان الحكومة فعلاً عندها sense of urgency و الاهم عندها الناس ..
– الاعتراف بوجود خسائر علي البلد كبيرة بالمليارات لكن اثبتوا ان روح الانسان اهم. و ده .. عزيزي القارئ .. من المرات القليلة اللي بنشهد فيها الحكومة المصرية بتتعامل بهذا الكم من التحضر.
– رد الدولة السريع علي ال Panic Shoppers بوجود مخزون من السلع يكفي ٩ شهور و مفيش داعي للقلق.
مُنظمة الصحة العالمية بنفسها اشادت بدور مصر في السيطرة ع الوضع الحالي ..
لأول مرة في حياتي هقول براڤو 👏🏻🇪🇬🇪🇬🇪🇬
احنا علينا دور كُلنا في نشر الايجابيات علي قد مانقدر زي ما بنترددش ثانية في نشر السلبيات و الولولة .. تاني في ناس في اجهزة الدولة و في دكاترة مبتروحش بيوتها عشان نعدي كُلنا م الأزمة ديه .. ياريت نبقي شعب قد المسئولية .
