بحبك يا نوبه

شعر خالد شاطر
النوبه مش بيوت وحيطان ولا جدران
ولا بيوت مرسومه بألوان
النوبه عنوان وازهار
وعشق واشجار وازهار
منقوشه باشجان وبكاء
وفراق علي هجره بدون عنوان
وبيوت بدون سكان
النوبه شعار وشراع
بيصارع موجه ورا موجه من كام عام
النوبه حبيبه وقريبه
وبيوت فيها ريحه الطيبه
وحوش كبير
النوبه حكايات واسرار
عن كل اللي فات في الدار
النوبه مش بيوت وحيطان
النوبه اكيد عنوان
لماضي من زمان
وحكايات جدتي محفوره بالأشجان
لبلاد ما وراء الخزان
النوبه جرجار وافراح ليل نهار
حبيبه وقريبه اشوفها في يوم طيبه
النوبه احلام بلا سجان
عوده لبيوت زمان
بيوت بلا أسوار ولا سجان
النوبه بيوت بلا جدران
مرسومه فيها حكاوي زمان