جيت من رحم الظلام
باحث عن النور
مفضوح في الاذل سرك
وفي الدنيا مستور
موجود قبل الوجود
مطروح قبل الطروح.
عايش على كن
قبل الكون ما
يكون!
مكتوبلك تعيش على
حلم
مهما اتحقق ذايل
بينك وبين ربك
يادوبك حبة
رسايل.
زوال النعم نعمة!
وكل النعم ذوايل!
مقصود ومش مقصود
تكون مبسوط صحيح،لكن
مش مبسوط!
يزيد عليك الفرح
ورغم الفرح
محبوط!
تتنفس الم وامل،
بيتنفسك.
تتصدق ويا صديق
وصديقك بينفسك!
تلاقيه احمق مغرور
مفضوح في الاذل سرك
وفي الدنيا مستور.
فين الحقايق معانا؟
دي كانت ياناس جوانا!
راحت وسط الرياح.
بعد ما زادت الدبايح
تحت ساطور الدباح!
راح وسيع البراح
وسط جروح الألم
وزيادة الجراح! .
موفرة الشعور بالندم
اعوذ منك بيك
استعين بالله عليك!
ياويل الناس من شرك
ومن ناس حواليك!
قاسمني فرحك وحزنك
خلي الشعور مشطور!
ومش ضروري الناس كلها
تحبك
ومش ضروري تكون
مشهور.
عيش ونظف قلبك واسعى
للخير
بس لوجه ربك.
اعوذ بالله السميع العليم
اعوذ بقول الله العزيز
الحكيم.
من كل انسان للئيم
ومن شر الشيطان
الرجيم.
اعوذ بالله من كل الدوافع
اللي بتسبب شرور.
احيانا وكتير من الأحيان
بيكون الجميع حيوان و
الحيوان زي الإنسان!
مش كل اللي باع خاين
ومش كل ضعيف
جبان!
احسن عليك ربك وفاضلك
بس تجاوب
ماذا يكون الرد علي خير
مقدم لك
هل جزاء الإحسان، يا
مخلوق. من طين
شيء غير الإحسان!
جاوب وردد ورايا اياك
نعبد ربنا
وإياك نستعين!
