مخنوق والدمع في عيوني
ولا حد شايل همي
جعان وجروحي كل يوم بتقتلني
مش لاقي لقمه حلال تسد جوع ابني
ملقيتش غير الرشوه هي تسد الجوع
ويا تشبع من الحرام ياتتكسر وتجوع
مشيت في طريق الظلم ومش لاقي طريق للرجوع
برجلي دايس علي ناسي
وناسي ايام جوعي كانت الملايكه حراسي
وحبايبي جنبي بتواسي
والضحكه مرسومه علي وشي والفرح مالي المكان
انا لو يرجع بية الزمن
كنت اتحمل جوعي وناري
كنت اكلت الطين ولا كلت من الحرام
نسيت ان الحياه دعوه من ام وصلاه وصوم واستغفار كل يوم
لاجل ماتتمسح زنوبي وتزول عني الهموم
لوكان بايدي كنت هتوب
دلوقتي بقيت شبعان من دم الفقير
باكل انا خيرهم وعلي عرضي بطلت اغير
هتقولو فين عرضك انت يادوب بتشرب شاي
ونسيتو ان الفقير لو جاع هيذيد فساده وتتمحي الطيبه
راح يعملو زيي ومنهم هيبيع في لحمه وينسو الشهامه والهيبه
وتبقي عيبه لو ملقيتش لقمه حلال وقدرت تتحمل جوعك
راح تبقي زيي تهرب من مُر الجوع
ومش لاقي طريق للرجوع
واذاي هكفر عن زنبي وانا كلي مليان بالزنوب
لكني بتمني يارب ترحمني ويا تقبض روحي ياترجعني زي زمن
اة جعان بس الجوع مش عار اوكرب
انا جوعي كان بيضمنلي الجنه في السماء
وهيحصل ايه لو عشت في نار الارض
