محمد عبده يكتب فى عيد الشرطة ..ألف رصاصة ..

ألف رصاصة ورصاصة وأنا صدري
بالحب مفتوح
وهفضل أقول أنا مصري
بكل وضوح
مسلم ومسيحي والقلب
واحد مجروح
أرهاب وقتل وخيانة والأمر
بقي مفضوح
ولسه بتقولة بنجاهد لأجل
حور العين
وبتتكلموا وبتقسموا بكتاب الله
وأنتم كدابين
وأحنا مش عارفين بصراحة أنتم
مع أي دين
لا ليكم وطن ولا ليكم أرض
يا زرع فاضي
بعتوا ضمائركم والثمن
للأسف عادي
وهان عليكم الدم والضحية
ولادكم وأولادي
ضحكوا عليكم إللى بكل قوة
بيحاربوا الأسلام
وسلموكم المال والسلاح وحطولكم
السم بحلو الكلام
ورجعتوا سنين لعصر الجاعلية
وعبادة الأصنام
والله وبحق من ذكرك بكتابه
هتفضلي انتِ مصر
ونفديكِ بالمال والعيال والنفس
ونوهبلكِ كل العمر
بس انتِ شاوري هتلاقينا
تحت الأمر
الف شهيد وشهيد يحموا أرضك
بدون خوف
وإسألوا التتار لما إنهزموا ع أرضكِ
وإنكسرت السيوف
هيفضل نيلك بيجري ويروي
كل عطشان
وشجاعة شعبك سيف علي
رقبة كل جبان
وزاي ماقال رب العرش أدخلوا مصر
إن شاء الله آمنين

بقلمي ..
محمد عبده
25/1/2018