دكتور جمال شعبان رئيس معهد القلب السابق وصف أهمية
الصمامات الأربعة هم المسؤولين عن ضخ الدم في الإتجاة الصحيح في جميع انحاء الجسم فنجد إن بتنحصر أنواعها في حاجتين
– ضيق الصمام (Valvular stenosis): وده على حسب درجة الضيق لو بسيطة مش هتعمل أي أعراض إما لو كان الضيق شديد هيعمل بعد فترة فشل فى القلب.
– ارتجاع الصمام (Valvular regurgitation): ودى حالة الصمام فيها مبيقفلش كويس وفى البداية مبيعملش أى أعراض ولكن بعد شوية لو الإرتجاع زاد الدم هيبدأ أنه يرجع للجزء اللى قبل الصمام واللى هيعمل بعد كده فشل للقلب.
* كل صمام من صمامات القلب ممكن يحصل فيه ضيق او إرتجاع ولكن أشهرهم أمراض صمامات القلب الأبهر والميترالى:
ضيق الصمام المترالي (mitral stenosis)
ارتجاع الصمام المترالي (mitral regurgitation)
ضيق الصمام الأبهر (aortic stenosis)
ارتجاع الصمام الأبهر (aortic regurgitation)
ضيق الصمام الثلاثي الشرف (tricuspid stenosis)
ارتجاع الصمام ثلاثي الشرف (tricuspid regurgitation)
ضيق الصمام الرئوي (pulmonary stenosis)
ارتجاع الصمام الرئوي (pulmonary regurgitation)
* أسباب كتير ممكن تعمل أمراض صمامات القلب أشهرها الأسباب دى :
– حمى الروماتيزم (rheumatic fever)
وهو مرض بيجى للأطفال عادةً، وبيعمل بعد مرور سنين مشاكل فى صمامات.
– أسباب خلقية (congenital).
– التهاب بطانة القلب (endocarditis) وده بيكون نتيجة عدى جرثومية وفى الغالب بيعمل ارتجاع الصمام.
– التنكس (degeneration) نتيجة تقدم السن
– تدلي الصمام المترالي (MVP-mitral valve prolapse)
و ده ممكن أن يؤدي إلي حدوث إرتجاع فى الصمام المترالي.
فى كمان أمراض تانية ممكن تعمل مشاكل فى صمامات القلب زى:
أمراض القلب التاجية.
ضغط الدم المرتفع.
احتشاء القلب الحاد.
