بيادة شهيد
مات وكان علي بلده
صابر عنيد
ويابخت ليك في الجنة الفين مكان
وهنحكي بطولتك للولد ويا الحفيد
# كان همه يحرص البلد ..
و يعيش سعيد
و فوق كتافه حملين جبل
و ماهمهوش
تكون نهايته تبقى .. التمن
و ماهزهوش
جوه النيران يكون مكانه
عشان جيرانه و يا اهله
يعيشوا ف سلام
يبقوا ف هنا
و مات عشان .. يفدي حته من ترابها
ما يسبها ابدا .. لقمه سهله
عشان كلابها
ما تنهشوش
ده مات و لكن .. مات شهيد
يا ام الشهيد
ابنك بطل وصنع نصر مجيد
وحب بلدة بيجري عندة في الوريد
وكان دمة سايل وحالف
ان عدد جثث الارهابين تزيد
وصوت رصاص من كل ناحية لكن قلبة حديد
يا ام الشهيد
ابنك بطل وصنع نصر مجيد
وحبك الجنة بيجري عندة في الوريد
كلمات
وليد الدمنهوري
