شم النسيم ده قصته ايه…ا
رسائل أماني عمار
العيد ده عند المصري القديم كان بيعلن بدايه الحياه (لأن الزهور بتتفتح وگمان الزرع بيخرج من الأرض ف الربيع)
وكانوا بيحتفلوا بيه بنفس الطريقه اللي موجوده لحد انهارده وكانوا بيعملوا كل حاجه احنا بنعملها… وكان عندهم دلاله لكل حاجه بيعملوها ف اليوم ده زي مثلا اكل البيض اللي بيرمز لخروج الحياة لأن الكتكوت بيخرج من جماد وطبعا أكل الفسيخ أو السمك المملوح وده كان بيدل على حب المصري القديم للنيل وتقديسه كمان
وكمان البصل اللي كانو بيعلقوه على الجدران وكان بيرمز للحياة وگمان الخس اللي كان بيعتبر من النباتات المقدسه عند المصريين
المصري القديم كان بيحتفل بشم النسيم ( عيد الربيع) في مهرجان كبير كله الوان وكان بيبتدي من طلوع شمس اليوم وكان بيتعرف بالانقلاب الربيعي أو هو اليوم اللي بيتساوى فيه عدد ساعات الليل والنهار وكانو الناس بيقضوه ف اماگن الزرع أو الحدائق أو على شط النيل
شم النسيم هو اقدم عيد شعبي ف العالم …وبيفتخر بيه المصريين عشان هو عيد خاص بيهم…وقدروا بعد كده ينقلوا العيد ده بكل تفاصيله وطقوسه لكل حضارات الشرق القديم ..وكان ده ف عهد الملك (تحتمس الثالث) …
