كتبت: الهام برعي
الثلاثاء:4/7/2017
جولة في اسواق نجع حمادي بمحافظة قنا ارتفعت اليوم اسعار الخضروات والفواكه بمدينة نجع حمادي ولاحظ المستهلك ارتفاع الاسعار.
ابدي بعض المواطنين استيائهم من ارتفاع الاسعار قائلا هناكل ايه كل شيء بقي غالي علينا دلوقتي هناكل طوب احنا وعيالنا.
وقال اخر اللحمة فوق 130جنية وكيلو الفراخ ب40 جنيه والبيض الكرتونة 42 جنية وكمان الخضار بقي غالي ده غير الزيت هنعمل ايه ربنا يتولانا
ومع الحديث مع بعض بائعي الخضروات اعرب قائلا احنا هنعمل ايه بنشتريه اصلا من الشادر غالي محب ما علينا نبيع معانا اولاد عايزين نصرف عليهم
وبائعة اخري قالت الدنيا ولعت خلاص مش عارفين نعمل ايه التجار الكبار هم السبب من وقت ما عرفوا اني البنزين غالي رفعوا سعر الخضار والفاكهة واللي كان يشتري اكتر من كيلو بيشتري دلوقتي كيلو او نصف كيلو
ومع سؤال احد تجار الخضروات اعرب قائلا إن الأسعار ارتفعت خلال الفترة الماضية بسبب موجة الغلاء التي طالت أسعار المواد البترولية، وبالتالي النقل زاد علينا ده غير المزارعين واصحاب الاراضي الزراعية رفعوا تمن المنتجات الزراعية بعد ارتفاع أسعار السولار المستخدم في ماكينات ري الأراضي الزراعية أيضًا وعلق اخر قائلا ولسه هتزيد الاسعار تاني.
